ANTINOEAE Coronae

ANTINOEAE Coronae

vulgo Alexandrinis dictae sunt, quae ex floribus ῥοδίζοντος λωνοῦ, roseae loti, erant plexae: ab Antinoo Hadriani Imperatoris puero delicato. Nominis originem hanc narrat Athenaeus l. 3. Cum in Aegypto esset Hadrianus Imperator et in urbe Alexandriae versaretur Pancrates, Poeta quidam indigena, obtulit ei τὸν ῥοδίζοντα λωνὸν, quem florem Poeticâ adulatione dixit tellurem tum nuper submisisse, ex sanguine Maurusii leonis natum, quem in Libya Aegypto contermina ipse occiderat Hadrianus. Cuius Poetae ingeniô ac novitate delectatus Caesar, iussit eum adscribi numero eorum, qui την` εν Μουσείω σίτησιν participabant, ac sumptibus publicis alebantur. Coronae hinc ex hoc flore plexae Antinoeae dictae sunt. Salmas. ad Solinum pag. 975. et 976.